«Մենք ողջունում ենք բողոքի ցանկացած գործողություն, ընդվզում ընդդեմ այս բռնակալության, բայց, այնուամենայնիվ, եթե խոսում ենք միասնության կամ ինչ-որ մեկի, ինչ-որ ուժի հետ միավորվելու մասին, ապա դա կարող է տեղի ունենալ միայն ու միայն այն դեպքում, եթե այդ միասնություն ցանկացողները կարող են համախմբվել մեր գաղափարների, ծրագրերի և մեր սկզբունքների շուրջ»,- «Առաջին լրատվական»-ի հետ զրույցում նշեց «Երկիր Ծիրանի» կուսակցության նախագահ Զարուհի Փոստանջյանը՝ պատասխանելով հարցին՝ հնարավո՞ր է, որ իրենց կուսակցությունը միանա «Քաղաքացիական պայմանագիր» կուսակցության նախաձեռնած փողոցային պայքարին՝ ընդդեմ Սերժ Սարգսյանի վարչապետության։
Զարուհի Փոստանջյանը հավելեց նաև․ «Ես նման խնդիր չեմ դնում որևէ մեկի հետ միավորվելու, որովհետև կուսակցությունը դա արդեն իսկ միավորում է , քաղաքական միավորում և միասնություն այստեղ պետք է տեղի ունենա ողջ ազգի կողմից՝ գաղափարի, ծրագրերի և սկզբունքների շուրջ, իսկ ծրագիրը հետևյալը պետք է լինի՝ ոչ միայն Սերժ Սարգսյանի վարչապետության կանխումը, այլ ընդհանուր առմամբ այս համակարգի ապամոնտաժումը պետք է լինի և նաև նոր համակարգի ներդրումը, իսկ նոր համակարգի ամենակարևոր բաղադրիչը, միանշանակ, պետք է լինի մեր ազգի բոլոր հատվածների ընտրելու և ընտրվելու իրավունքի վերադարձնելը»։
Մանրամասները՝ տեսանյութում։