Ժիրայր Սեֆիլյանի գործով այսօր դատավոր Տաթևիկ Գրիգորյանը հրապարակեց դատավճիռը․ ըստ այդմ, Ժիրայր Սեֆիլյանը դատապարտվեց 10․5 տարվա ազատազրկման, իսկ Գևորգ Սաֆարյանը՝ 5 տարի 5 ամիս ազատազրկման։
Հրապարակված դատավճռի հետ կապված «Առաջին լրատվական»-ը զրուցեց Ժիրայր Սեֆիլյանի և մյուսների գործով փաստաբաններ Արայիկ Պապիկյանի, Նինա Կարապետյանցի և Տիգրան Հայրապետյանի հետ։
«Սա դատավարություն չէր, այլ քաղաքական գործընթաց էր, քաղաքական պատվեր էր և 10 տարի 5 ամիս ազատազրկել միայն քաղաքական ընդդիմադիր լինելու համար՝ սա պետք է հայ ժողովրդի պատմության մեջ որակվի որպես արդարադատության ամենաամոթալի էջերից մեկը, սրանից առավել ամոթալի էջ մենք չենք ունեցել»,- շեշտեց փաստաբան Արայիկ Պապիկյանը։
Նինա Կարապետյանցն իր հերթին հավելեց․ «Սա պարզապես անարգանք էր արդարադատության նկատմամբ և ապտակ էր բոլորին՝ այդ ողջ համակարգին․ ազատությունից զրկելու այս 10 տարվա դատավճիռն աննախադեպ էր և սա քաղաքական հետապնդման ամենացայտուն օրինակներից է և այստեղ այլ գնահատական լինել չի կարող։
Ես պարզապես կցանկանայի հիշեցնել դատավորին, որ այս տիպի գործերը հիշվում են շատ երկար ժամանակ և հիշվելու է հատկապես նախագահող դատավորի անունը, որովհետև հենց նա դրեց իր ստորագրությունն այս դատավճռի տակ և ոչ մեկը չի կասկածում, որ որևէ դատավոր քաղաքական գործերով ինքնուրույն դատավճիռ չի կայացնում և այո, դա լինում է հենց ամենաբարձր հովանու ներքո»։
Մանրամասները՝ տեսանյութում։