Միայն վերջերս է Սելենա Գոմեսը խիզախել պատմել իր կյանքի այդ բարդ ժամանակահատվածի մասին։
2015 թվականին երգչուհու մոտ համակարգային կարմիր գայլախտ է հայտնաբերվել։ Արդյունքում երիկամի փոխպատվաստման անհրաժեշտություն է ծագել. նրա դոնորը դարձել է իր մոտ ընկերուհին՝ Ֆրանսիա Ռայսան։
Փոխպատվաստման վիրահատությունը բարեհաջող է անցել և Սելենան արագ ոտքի է կանգնել, սակայն նրա ընկերուհու վիճակն այնքան էլ անամպ չի եղել։ Ֆրանսիան խոստովանել է, որ իր մոտ ընկճախտ է սկսվել։ Նա պատմել է, որ ախորժակ չի ունեցել, չի կարողացել ուտել և նորմալ կենսակերպով ապրել։
Սակայն ժամանակի ընթացքում Ֆրանսիան իրեն հավաքել է, իսկ Սելենան հիմա նրան «քույր» է անվանում և բոլոր հարցազրույցներում ասում է, թե որքան շնորհակալ է Ֆրանսիային։