«Իհարկե, կա հնարավորություն, որ Արմեն Սարգսյանը տրոյական ձի կդառնա, թե պարզապես բարեհաջող ճանապարհ կդառնա դեպի արևմտյան ժողովրդավարական համակարգ, որի կրողը կարծես թե պետք է լինի»,- «Առաջին լրատվական»-ի հետ զրույցում ասաց ԵՊՀ բանասիրական ֆակուլտետի դոցենտ, լեզվաբան Նարինե Դիլբարյանը՝ հավելելով, որ Արմեն Սարգսյանը շատ հաջող քարոզարշավ ծավալեց։ Նա ծանոթացավ Հայաստանում հասարակության այն շերտերին, որոնք, որպես կանոն, երբեք քաղաքական ուժերի ուշադրության կենտրոնում չեն եղել։
«Այնուամենայնիվ, կարծում եմ՝ լավատեսությունը պետք է չափավոր լինի։ Հուսանք, որ նա կկարողանա ինչ-որ բարեփոխումներ կատարել, բայց կա մի վտանգ, որին նա անընդհատ բախվելու է։ Գիտեք, որ տրոյական ձիու մեջ տեղավորված էր հզոր զորք, այսինքն՝ այնտեղ կային բազմաթիվ մարտիկներ, որոնք պարզապես թաքնվել էին, իսկ արդյո՞ք Արմեն Սարգսյանն ունի այնպիսի թիմ, որը կկարողանա կանխել տնտեսության մեջ իշխող ընդունված, ավանդույթ դարձած կոռուպցիոն սխեմաները»,-ասաց Նարինե Դիլբարյանը՝ հավելելով, որ դեռ չի պարզել՝ արդյոք Արմեն Սարգսյանը գալիս է դառնալու ՀՀԿ մեծամասնության և Սերժ Սարգսյանի՞, թե Հայաստանի նախագահը։
Ամբողջությամբ՝ տեսանյութում։
