Աշխարհում ավելի քան 40 քաղաք ամբողջովին անցել է էներգիայի վերականգնվող աղբյուրների, առնվազն 100 քաղաքների էլեկտրաէներգիայի պահանջի 70%-ը բավարարվում է մաքուր աղբյուրներով: Փարիզյան համաձայնագրի ստորագրման պահից քաղաքների թիվը, որոնք աշխատում են ածխածնի արտանետումների կրճատման ուղղությամբ, աճել է 308-ից մինչև 572, հայտնում է Fast Company-ն:
ԱՄՆ քաղաքների ցանկում, որոնք 70%-ով անցել են վերականգնվող աղբյուրների, կան՝ Սիեթլը, Յուջինը և Ասպենը: Բերլինգթոնը մաքուր էներգետիկայի է անեցել ամբողջովին: Նման նպատակ ունեն Ատլանտան և Սան Դիեգոն: Քաղաքներն են ամենաշատն ազդում շրջակա միջավայրի աղտոտվածության վրա, ուստի դրանց էներգիայի վերականգնվող աղբյուրների կուրսը կկարողանա ամենածանրակշիռ ներդրումն ունենալ կլիմայի փոփոխության դեմ պայքարում:
Եվրոպայում մինչև 2030 թ. CO2-ի արտանետման թույլտվությունը կարժենա 31եվրո մեկ տոննայի համար՝ 3 անգամ թանկ, քան հիմա: Ածուխով աշխատող էլեկտրակայանները փակելն ավելի ձեռնտու կլինի, քան դրանք նոր էկոլոգիական չափանիշերին համապատասխան արդիականացնելը:
