Դետեկտիվ-սերժանտ Հենք Իդսինգը հայտարարել է, որ վերջապես հաջողվել է պարզել՝ ում է պատկանել սերիական մարդասպան Բրյուս ՄաքԱրթուրի հետ կապված հողամասում հայտնաբերված մնացորդների մի մասը: Քրեագետները կարծում են, որ դրանք 40-ամյա Սկանդա Նավարաթնամի մնացորդներն են, ով անհետ կորել էր 2010 թ., հայտնում է cripo.com.ua-ն:
Իդսինգի խոսով՝ Նավարաթնամի մարմնի մասերը, ինչպեսև 5 մյուս զոհերինը, հայտնաբերվել են մեծ ծաղկամաններում հողամասերում, որոնք լանդշաֆտի դիզայներ 66-ամյա ՄաքԱրթուրը բարեկարգել է:
Ոստիկանությունը դեռ պետք է պարզի ևս 3 անձի մնացորդների ինքնությունը:
Անցած ամիս ՄաքԱրթուրի դեմ մեղադրանք է առաջադրվել 49-ամյա Էնդրյու Քինսմանի և 44-ամյա Սելմ Էսենի մահերի համար: Նրանք անհետ կորել են Տորոնտոյի շրջանում 2017 թ.:
2 շաբաթ անց հաջորդել են առաջին աստիճանի սպանության ևս 3 մեղադրանքներ ՄաքԱրթուրի դեմ՝ կապված Մաջիդ Քայհանի և Սորուշ Մահմուդիի անհետացման և Դին Լիսովիկի մահվան հետ:
