ԱՄՆ գաղտնի ծառայությունում, որն անցած տարի էր հայտնվել աղմկալի սկանդալի կենտրոնում անձնակազմի անպատշաճ վարքի պատճառով, նմանօրինակ նոր դեպքեր են ի հայտ եկել: Այս մասին հայտնում է The Washington Post-ը:
Պարբերականի տվյալներով՝ երկու աշխատակիցների նկատմամբ անցկացված ներքին հետաքննության արդյունքում նրանց դեմ կարգապահական տույժեր են կիրառվել: Խոսքը մարդկանց մասին է, ովքեր ղեկավար պաշտոններ են զբաղեցնում ԱՄՆ նախագահի անվտանգության ապահովմամբ զբաղվող բաժնում: Նրանք երկուսն էլ՝ Իգնասիո Սամորան և Թիմոթի Բարակլոուն, ծառայողական ստուգման արդյունքում հեռացվել են նախկին պաշտոններից: Բարաքկլոուին նույնիսկ այլ բաժին են տեղափոխել:
Ինչպես պարզվել է՝ Սամորան ընթացիկ տարվա մայիսին ոչ աշխատանքային ժամին Սպիտակ տան մոտ գտնվող «Հեյ-Ադամս» հյուրանոցի բարում ծանոթացել է մի կնոջ հետ, որից հետո նրա համարում ժամանակ է անցկացրել: Այնտեղ նա ինչ-ինչ պատճառներով լիցքաթափել է տաբելային ատրճանակը՝ այնտեղ մոռանալով մեկ փամփուշտ: Նկատելով կորուստը՝ Սամորան փորձել է վերադառնալ նրա մոտ, սակայն նրան համար չեն թողել:
Նա հյուրանոցի տնօրինությունից հասանելիություն է խնդրել՝ ներկայացնելով ծառայողական փաստաթուղթ, սակայն հյուրանոցի անձնակազմն այդ մասին տեղյակ է պահել Սպիտակ տանը:
Այդ առնչությամբ սկսված ստուգումների արդյունքում Սամորայի ծառայողական բջջային հեռախոսում հայտնաբերվել է ենթականերից մեկի սեռական բնույթի հաղորդագրությունները: Դրանց հեղինակը եղել է Բարակլուն:
Գաղտնի ծառայությունն այս առնչությամբ մեկնաբանություն չի տվել:
