Իրանի նախագահ Հասան Ռոհանին, մեկնաբանելով ԱՄՆ միջուկային նոր դոկտրինան, նշել է Վաշինգտոնի դիրքորոշման հակասությունը միջուկային զենքի տարածման մասին հարցում: Նրա խոսքերը մեջբերում է Mehr գործակալությունը:
«(Ամերիկացիները), որոնք հավատում են, որ զանգվածային ոչնչացման զենքի օգտագործումը հանցագործություն է մարդկության դեմ և ստիպում են, որ աշխարհում բոլոր միջուկային զենքերը ոչնչացվեն, այժմ, որքան էլ պարադոքսալ է, ներքաշվել են սպառազինության մրցավազքի մեջ՝ կոչված արդիականացնելու իրենց միջուկային զինանոցը՝ օգտագործելու համար մրցակիցների դեմ»,- հայտարարել է Ռոհանին:
«Այդպիսի հանգամանքներում կարո՞ղ է արդյոք երկիրը հայտարարել, որ այժմ խաղաղության, բարեկամության և խաղաղ գոյակցության ժամանակն է, և այդ պատճառով պաշտպանական ուժերի կարիք չի լինի»,- հավելել է նա՝ նշելով «անխիղճ» երեսպաշտությունը, որով Վաշինգտոնը միջուկային զենքով սպառնում է Մոսկվային:
Պենտագոնը ուրբաթ օրը հրապարակել է ԱՄՆ միջուկային դոկտրինան: Փաստաթղթում անվտանգության գլխավոր սպառնալիքներ են համարվել Ռուսաստանը, Հյուսիսային Կորեան և Իրանը:
