Բրիտանացիները դադարել են սոլյարի սրահներ այցելել՝ վախենալով նմանվել ԱՄՆ նախագահ Դոնալդ Թրամփին։ Անցկացված հարցման արդյունքները հրապարակել է The Independent-ը։
Պարբերականի հաղորդմամբ՝ նախագահի արտաքինը կարող է նվազեցնել Միացյալ թագավորությունում քաղցկեղով հիվանդացության ռիսկը։ Բնական գույնի նախընտրության մասին հայտնել են Մեծ Բրիտանիայի բնակիչների մոտ ¾-ը, ովքեր պատրաստվել են ուղևորվել սոլյարի կամ կանոնավոր օգտվել են այդ ծառայությունից։
55-64 տարեկան 10 հարցվածից 8-ն ասել է, որ Թրամփի մաշկի անբնական գույնը հիասթափեցնում է իրենց արհեստական ճանապարհով արևայրուք ունենալու հարցում։ Այդպիսի դիրքորոշում է արտահայտել կանանց 75 և տղամարդկանց 69 տոկոսը։
Արհեստական արևայրուքն արագացնում է մաշկի ծերացման գործընթացն ու վնասում դրա բջիջները, ինչը հանգեցնում է քաղցկեղային գոյացությունների առաջացման։
ԱՀԿ-ի տվյալներով՝ ամեն տարի աշխարհում գրանցվում է մելանոմայով հիվանդացության 132 հազար դեպք։
