«Ազգային անվտանգության հայեցակարգի հետ կապված շեշտերը լրջագույնս պիտի փոխվեն՝ հենվելով տարբեր ժամանակահատվածում Հայաստանի քաղած դասերի վրա, իշխանությունը ինքն էլ հասկանում է, որ միակողմանի կախվածությունը շատ լուրջ խնդիր է»։ Այդ մասին «Առաջին լրատվական»-ի հետ զրույցում ասաց Միջազգային և անվտանգության հարցերի հայկական ինստիտուտի հիմնադիր, քաղաքական վերլուծաբան Ստյոպա Սաֆարյանը՝ հավելելով, որ բալանսը պահելու համար իշխանությունները կրկին կհայտարարեն բազմավեկտոր քաղաքականության մասին, բայց կլինեն նաև փոփոխություններ։
«Անվտանգությունը լայն համակարգ է միայն ու միայն երկրում ունեցած կոնֆլիկտների, ռազմական բնույթի սպառնալիքների մասին չէ, այն, որպես համակարգ, խարսխված է լինում արժեքների և շահերի վրա։ Չի կարող Հայաստանը դավանել արժեքային այլ համակարգ և անվտանգության համակարգը կառուցել այլ համակարգի վրա։ Գաղտնիք չէ, որ այօր ՌԴ-ն մերժում է լիբերալ-դեմոկրատական արժեհամակարգը, հետևաբար, եկեք մի բան հստակ հասկանանք, եթե մենք ասում ենք՝ արժեքային հենքով եվրոպական արժեհամակարգն ենք որդեգրում, անվտանգության պարագայում՝ դրան մարտահրավեր նետող համակարգ։ Ինչպես կարող ենք էֆեկտիվ անվտանգության համակարգ ունենալ, եթե մի ոտքը ուրիշ տեղ է, մյուս ոտքը՝ ուրիշ տեղ»,- ասաց Սաֆարյանը։
Մանրամասները՝ տեսանյութում։