ԱՄՆ Նյուարք քաղաքի պիցցերիայում (Կալիֆորնիա) զանգվածային ծեծկռտուք է տեղի ունեցել կորած բջջային հեռախոսի պատճառով, հայտնում է Daily Mail-ը։
Հեռախոսի տիրոջ խոսքով՝ ինքը հետևել է իր iPhone-ին Find My iPhone app հավելվածի միջոցով, որը ցույց է տվել, որ բջջայինը գտնվում է սրճարանում։ Աղջիկն այնտեղ է եկել մի քանի մարդկանց ուղեկցությամբ ու հաստատության այցելուներին հարցրել, թե ինչ-որ մեկն արդյոք գտե՞լ է իր բջջայինը։
Արդյունքում լեզվակռիվ է սկսվել, որը վերածվել 20 հոգու մասնակցությամբ ծեծկռտուքի։ Ականատեսներից մեկը տեսանկարահանել է միջադեպը։ Կադրերում երևում են հատակին թափված մազեր։
Ոմանք վնասվածքներ են ստացել։ Հաստատության ղեկավարությունը ոստիկանություն է կանչել։ Ձերբակալվածներ չկան։
Արդյունքում պարզվել է, որ iPhone-ը գտնվել է կորած իրերի բյուրոյում, որը տեղակայված է նույն առևտրի կենտրոնում, ինչ պիցցերիան, սակայն մեկ հարկ վերև։
