«Ուսանողները պետք է առաջարկություններ լրամշակեն, կներկայացնեն, կքննարկենք, դա աշխատանք է, որը պիտի արվի ողջամիտ սահմանում»։ Այդ մասին «Առաջին լրատվական»-ի հետ զրույցում ասաց ԱԺ պաշտպանության, ազգային անվտանգության և ներքին գործերի մշտական հանձնաժողովի նախագահ Կորյուն Նահապետյանը։ Նա ընդգծեց, որ նախագահի ստորագրումից հետո «Զինվորական ծառայության և զինծառայողի կարգավիճակի մասին» օրենքը սահմանված կարգով ուժի մեջ կմտնի, ընդունված օրենքների հիման վրա կընդունվեն նաև համապատասխան որոշումներ։ Ուսանողների առաջարկությունների հետ կապված լուծումները ևս այս փուլում պիտի տեսնել ենթաօրենսդրական ակտերով, բայց օրենքով տրված հիմնական կարգավորումների շրջանակում։ Ըստ նրա՝ պետք չէ գնահատականներ տալ և ասել, որ ճանապարհները ուսանողների առաջարկությունների հետ կապված փակ են։
Մանրամասները՝ տեսանյութում։
