«ՀՀ քննչական կոմիտեում իմ ցուցմունքները իրականության հետ որևէ կապ չունեն և դրանք ինձնից կորզվել են պարտադրանքով»,-այսօր՝ դեկտեմբերի 1-ին Երևանի Շենգավիթ վարչական շրջանի ընդհանուր իրավասության դատարանում շարունակվող «Ժիրայր Սեֆիլյանի եւ մյուսների գործով» դատաքննության ժամանակ հայտարարեց գործով ամբաստանյալ Հրայր Թոփչյանը:
Թոփչյանը հավաստեց, որ իր մեքենայում հայտնաբերված զենքերը իրեն են պատկանում. «92-94 թվականից իմ մոտ մնացած զենքերից են ու մեկը պատկանել է իմ ընկերոջը, որը արդեն չկա, մյուսը իմ զենքն է: Դրանք ես պահել եմ հիշատակի համար»:
