«Ժողովրդավարական հայրենիք» կուսակցության նախագահ Պետրոս Մակեյանն «Առաջին լրատվական»-ի հետ զրույցում նշեց, որ Սեֆիլյանի հրապարակած ցուցակի անձանց հետ արդեն երեք հանդիպում է տեղի ունեցել՝ իրավիճակը քննարկել են ու գործողությունների պլան են մշակում։ Նշեց նաև, որ հեռախոսազրույց է ունեցել պաշտպանության նախկին նախարար Սեյրան Օհանյանի հետ՝ պայմանավորվել են առաջիկայում հանդիպել և քննարկել։
Հետաքրքրվեցինք՝ պայքարն առանց զենքի՞ է լինելու. «Իհարկե, երբ մտնում ես զենքի դաշտ՝ այդտեղ դու իշխանության հետ մրցակից լինել չես կարող։ Նրանք Մարտի մեկին կրակել են, Սարի թաղում կրակել են, միշտ ջարդել են ժողովրդին. մենք գիտենք՝ իրենք այդ դաշտում կրած են»,- պատասխանեց Մակեյանը։
Պետրոս Մակեյանն ընդգծում է՝ իշխանության քարոզչամեքենան այժմ հող է նախապատրաստում. «Իբրև թե զենքի, ապստամբության, հեղափոխության գործընթաց ենք սկսում։ Դրանով նրանք շաբաթներ, ամիսներ հետո մարդկանց կտանեն կփակեն, մենք դա հասկանում ենք, բայց դա խնդիր չէ։ Մենք խնդիր չենք դրել Երևանի փողոցներում ավտոմատներով պայքար տանել։ Հիմնական ուժը ժողովուրդն է»։
Հարցազրույցն ամբողջությամբ՝ տեսանյութում:
