Այսօր Ազգային ժողովում քննարկվեց «Հայաստանի Հանրապետության և Ռուսաստանի Դաշնության միջև Հայաստանի Հանրապետության զինված ուժերի և Ռուսաստանի Դաշնության զինված ուժերի զորքերի միացյալ խմբավորման մասին համաձայնագիրը վավերացնելու մասին» ՀՀ օրենքի նախագիծը: ԱԺ «Ելք» խմբակցության քարտուղար Գևորգ Գորգիսյանը, խոսելով նախագծից, «Առաջին լրատվական»-ի հետ զրույցում նշեց, որ պարզվեց զորքերի նման խմբավորում կա՝ գաղտնի համաձայնագրով: Բայց եթե այդպիսի խմբավորում կար, Գևորգ Գորգիսյանը հարց է տալիս, թե ուր էր այն Ապրիլյան պատերազմի օրերին, չեն նախազգուշացրել, որ պարոնայք, ձեզ վրա պատրաստվում են հարձակվել:
Բացի այդ, Գևորգ Գորգիսյանի խոսքերով, համաձայնագրում վիճահարույց եզրույթ կա սահմանված. համակարգը պետք է գործի ինչպես արտաքին, այնպես էլ ներքին ռազմական վտանգի դեպքում: «Այսինքն՝ կարո՞ղ են մեր երկրի իշխանությունները ցուցարարների խաղաղ ցույցը որակել որպես ռազմական վտանգ, այնտեղ մեկին գտնել զինված, կամ «Սասնա ծռեր»-ի դեպքում, արդյո՞ք ռուսական զորքը իրավունք ունի մտնել Հայաստան և միջամտել Հայաստանի ներքին խնդիրներին»,- ասաց պատգամավորը՝ մտավախություն հայտնելով, որ ռուսական զորքը կանգնում է ՀՀԿ-ի իշխանության մնալու պաշտպանությանը:
Նա նշեց, որ ուզում են Ռուսաստանի հետ հավասարը հավասարի հետ հարաբերությունների հաստատում, որ թե Ռուսաստանը զենք նվիրատվություն կատարի: «Մենք չենք ուզում հայ-ռուսական հարաբերություններում հանդես գալ ուզվորի կարգավիճակում»,-հավելեց նա:
Հարցազրույցն ամբողջությամբ՝ տեսանյութում:
