ԶԼՄ-ներում հայտնվել է ամերիկացի դերասան Ջիմ Քերիի հանգուցյալ նախկին ընկերուհի Քաթրիոնա Ուայթի նամակը։ Նրան մահացած էին գտել երկու տարի առաջ, Լոս Անջելեսի իր տանը։
«Ես սիրում էի կյանքը, ինքնավստահ էի, ինձ հարմարավետ էի զգում և հպարտանում ընդունածս որոշումների մեծ մասով։ Դու (Ջիմ Քերի) ինձ ծանոթացրիր կոկաինի, մարմնավաճառների, հոգեկան խնդիրների և հիվանդությունների հետ»,-ասվում է գրությունում։ Աղջիկը մեղադրում է դերասանին նրանում, որ նա իրեն վարակել է հերպեսով և պապիլոմավիրուսով։
Նշվում է, որ Ուայթը գրել է նամակը մահից 2 տարի առաջ և թողել այն իր iPad 8-ում։ Հայտնի չէ, այն ուղարկվե՞լ է Քերիին, թե ոչ։ Գրությունը հայտնաբերվել է աղջկա մահվան հետաքննության ընթացքում։
Ավելի վաղ Ուայթի մայրը դատի էր տվել դերասանին՝ մեղադրելով նրան դստեր մահվան մեջ։ Քերին չի ճանաչում մեղքը և կարծում է, որ իր դեմ ներկայացված հայցը խարդախություն է։
Նախնական տեղեկություններով՝ աղջիկը մահացել է թմրամիջոցների գերդոզավորումից, որոնք ընդունել է հոլիվուդյան դերասանի հետ բաժանումից հետո։
