Մաքսիմ Գալինն անկեղծորեն պատմել է, թե ինչպես է որոշել նման պատասխանատու քայլի գնալ:
«Ես միշտ սիրել եմ շփվել երեխաների հետ: Եթե ես դերասան չլինեի, ապա ուսուցիչ կդառնայի: Հիմա ես բարոյապես և ֆինանսապես պատրաստ եմ հայրության: Երեխաներն ապրելու տեղ ունեն, ուտելու բան ունեն: Ես պատրաստ եմ պատասխանատվություն ստանձնել փոքրիկ էակների կյանքի համար»,- ասել է Գալկինը Россия 1-ին տված հարցազրույցում:
Ըստ դերասանի՝ երեխաներ ունենալու որոշումը համատեղ է եղել: «Առանձնահատուկ կասկածներ չկային: Սեփական երեխաներ էինք ուզում ունենալ, ուզում էինք օգտվել ժամանակակից գիտությունից: Ինձ համար ամենակարևոր եզրակացությունն այն է, որ պետք է վայելել կյանքը և սիրելի մարդու, սիրելի երեխաների հետ անցկացրած ամեն երջանիկ օրը»,- հաղորդել է Գալկինը:
Դրա հետ մեկտեղ նա չի պատմել փոխնակ մոր մասին՝ նշելով, որ դա փակ թեմա է: «Որպես կանոն՝ կանայք տեղյակ չեն լինում, թե ինչ սեռի երեխաներ են կրում: Նրա կապը 90 %-ով հիվանդանոցի հետ է եղել: Մենք նրա հետ անձնապես չենք շփվել, բայց իհարկե, ապահովել ենք լավ խնամքը»,- նշել է նա:
