Գազայի հարյուրավոր բնակիչներ 30 տարում առաջին անգամ կինոթատրոնում ֆիլմ դիտելու հնարավորություն են ունեցել։ Այս մասին հայտնում է France Presse գործակալությունը։
Հաղորդվում է, որ Գազայի հնագույն՝ «Սամեր» կինոթատրոնն օգոստոսի 26-ի երեկոյան իր դռներն է բացել հանդիսատեսի համար միայն մեկ գիշերով։ Կինոթատրոնի շաբաթօրյա սեանսին ներկա է գտնվել մոտ 300 մարդ։ Հանդիսատեսին ցուցադրված «10 տարի» լիամետրաժ ֆիլմը պատմում է պաղեստինցիների մասին, ովքեր պահվում են իսրայելական բանտերում։ Ֆիլմը նկարահանվել է Գազայում։
«Սամեր» կինոթատրոնը կառուցվել է 1944 թվականին, 1960-ականներին այն փակել են։
Ցուցադրության կազմակերպիչ Գհադա Սալմիի խոսքով՝ այդ միջոցառումը հանդիսանում է Գազայում կինոյի վերածնման ջանքերի խորհրդանիշ։
