Իսպանիայի իշխանությունները սկսել են գնահատել և հարյուր միլիոնների հայց են ներկայացնել Գերմանիային: Այս մասին հայտարարել է Իսպանիայի փոխվարչապետ Ալֆրեդո Պերես Ռուբալկաբան: Այս մասին հաղորդում է El Mundo-ն:
Փոխվարչապետը նաև տեղեկացրել է, որ հնարավոր է՝ գյուղատնտեսական օգնություն ցուցաբերելու խնդրանքով Իսպանիան դիմի Եվրամիությանը, քանի որ Իսպանիայի այդ ոլորտը զգալի տուժել է «Գերմանիայի անհիմն մեղադրանքների պատճառով»: Գերմանիայում սկսված համաճարակից հետո որոշ գերմանացի պաշտոնյաներ դրա մեղավոր էին ճանաչել իսպանական վարունգները, ինչը հետագայում չհաստատվեց: Սակայն սա բավական էր, որպեսզի Եվրոպան հրաժարվի իսպանական վարունգից, իսկ իսպանացի գործարարները հարյուր միլիոնավոր դոլարների վնաս կրեն:
Իսպանական իշխանությունները հաղորդում են 200 միլիոն եվրոյի վնասի մասին: Իշխանությունների հաշվարկներով, մոտ 300 հազար մարդ կարող է անաշխատանք մնալ, երբ առանց այն էլ գործազրկությունն ամենաբարձրն է այդ երկրում՝ եվրոպական մյուս երկրների համեմատ:
Հիշեցնենք, որ եվրոպական մի շարք երկրներում տարօրինակ աղիքային հիվանդությամբ հիվանդացել է արդեն մի քանի հարյուր մարդ, որոնցից 14-ը մահացել են:
