Հնդկաստանի Խարյանա նահանգում ոստիկանությունը ձերբակալել է ամուսինների, որոնց կասկածել են «հանուն պատվի» կրկնակի սպանություն կատարելու համար:
Չարագործները հաշվեհարդար են տեսել 18-ամյա դստեր հետ, որն իբր խայտառակել է ընտանիքը նրանով, որ ցանկացել է սիրելով ամուսնանալ «անտոհմ» մարդու հետ:
Ավանդույթները խախտողներին հայտնաբերել են, ապա տանջամահ արել: Մասնավորապես, նրանք կոտրել են նորաթուխ փեսայի վերջույթները, ապա կտրել գլուխը:
Աղջկա հայրը խոստովանել է կատարվածը, սակայն ասել է, որ ոչ մի բանի համար չի զղջում, գրում է The Times of India-ն:
Նախնական տվյալներով՝ Կինեմատոգրաֆիայի ինստիտուտում սովորող Նիդխի Բարաքը որոշել էր ամուսնանալ 22-ամյա ուսանող Դհարմենդեր Բարաքի հետ: Աղջկա ծնողները դեմ էին ամուսնությանը, քանի որ տղան սերում էր հասարակության «ստորին» խավերից: Սիրահարները սեպտեմբերի 17-ին գաղտնի փախել էին Դելի, սակայն աղջկա ծնողներին հաջողվել էր գտնել նրանց, խաբեությամբ տանել գյուղ, որտեղ տանջամահ են արել աղջկան, ապա սպանել տղային: