Լեռնային Ղարաբաղում կարող են վերսկսվել լայնամասշտաբ ռազմական գործողություններ: Այս մասին ասվում է ԱՄՆ ազգային հետախուզության ղեկավար Դենիել Քոութսի ամենամյա զեկույցում: 28 էջից բաղկացած զեկույցում գնահատականներ են տրվում համաշխարհային մարտահրավերներին:
«2016թ. ապրիլին Հայաստանի և Ադրբեջանի միջև լարվածությունն աճել է Լեռնային Ղարաբաղի հակամարտության պատճառով: Կողմերը չեն ցանկանում փոխզիջման գնալ, ուստի 2017թ. պահպանվում է լայնամասշտաբ ռազմական գործողությունների վերսկսման հնարավորությունը»,-ասվում է զեկույցում:
Զեկույցում նաև նշվում է, որ տնտեսկան դժվարությունները գլխցավանք են դարձել Ադրբեջանի կառավարության համար, որն իր արտաքին քաղաքականությունում շարունակում է հավասարակշռել Ռուսաստանի, Իրանի և Արևմուտքի միջև:
Զեկույցի Կովկասին վերաբերող հատվածում նշվում է, որ Վրաստանն առաջիկայում կշարունակի խորացնել հարաբերությունները Եվրամիության և ՆԱՏՕ-ի հետ:
Զեկույցը ներկայացվել է Սենատի` հետախուզության հարցերով հանձնաժողովին:
