Միլանում փոքր բիզնեսի սեփականատերերի շարքում ամենատարածված անունը Մուհամմադն է: Նման եզրակացության են հանգել քաղաքի Առևտրի պալատի անցկացրած հետազոտության արդյունքում:
Հետազոտության հեղինակները 2012-ին միլանյան ընկերությունների տերերի ցուցակում հայտնաբերել են 1595 «Մուհամմադ», մինչդեռ ամենատարածված իտալական Ջուզեպպե անունով 1383 գործարար է գտնվել:
Ժողովրդականությամբ երրորդ տեղում է Մարկո անունը: Այդ անունով ձեռնարկություններ է գրանցել 1131 մարդ: Առաջատարների հնգյակում են նաև Մարիա (փոքր բիզնեսի 1095 տեր) և Ահմեդ անունները (615 ձեռնարկատեր):
France-Presse գործակալության փոխանցմամբ՝ Իտալիայի բիզնես-մայրաքաղաք Միլանում գրանցված է օտարերկրացիներին պատկանող ավելի քան 34 հազար ձեռնարկություն: Այդ ընկերությունները կազմում են միլանյան ձեռնարկությունների ընդհանուր թվի մոտ 12 տոկոսը:
Հիմնականում արտասահմանյան ընկերություններն աշխատում են ծառայությունների ոլորտում՝ ներառյալ ռեստորանային բիզնեսը, ինչպես նաև արդյունաբերական արտադրությունը, առևտուրն ու շինարարությունը:
