Վրաստանի իրավապահ մարմինների աշխատակիցները ձերբակալել են բողոքի ակցիայի 13 մասնակիցների, որը «Միասնական ազգային շարժում» ընդդիմադիր կուսակցության կողմնակիցները կազմակերպել Էին Թբիլիսիի քաղաքապետարանի շենքի մոտ, հաղորդում է apsny.ge կայքը:
Փետրվարի 13-ին Թբիլիսիի քաղաքապետարանի մերձակայքում հավաքվել Էին «Միասնական ազգային շարժում» կուսակցության տասնյակ կողմնակիցներ, որոնք փորձում Էին ներխուժել շենք և հանդիպել քաղաքապետ Դավիթ Նարմանիայի հետ: Ակցիայի մասնակիցները բողոք են հայտնում վճռաբեկ դատարանի դատավոր Նատա Նազգաիձեի ընտանիքին 1 մլն լարիի (շուրջ 300 հազար դոլար) չափով պետական փոխհատուցում տրամադրելու առնչությամբ, որը հետաքննել Է ընդդիմադիր «Ռուսթավի-2» հեռուստաալիքի գործը: Բողոքի ակցիայի մասնակիցները քաղաքապետարանին մեղադրում են կոռուպցիայի մեջ, պահանջում են ծախսած միջոցները վերադարձնել Թբիլիսիի բյուջե և քաղաքապետի պաշտոնաթողությունը: Անցած շաբաթ «Ազգային շարժման» կողմնակիցները երթ-ակցիա Էին անցկացրել ի պաշտպանություն «Ռուսթավի-2»-ի:
«Միասնական ազգային շարժում» կուսակցության կողմից Թբիլիսիի քաղաքապետարանի մոտ կազմակերպված ակցիայի ընթացքում ձերբակալվել Է 13 մարդ: Վրացական հեռուստաընկերությունների հաղորդմամբ՝ ակցիան արդեն ավարտվել Է:
