Գերմանիայի արտաքին գործերի արդեն նախկին նախարար Ֆրանկ Վալտեր Շթայնմայերը կասկած Է հայտնել սիրիական հակամարտության մեջ Արևմուտքի ռազմավարության ճիշտ լինելու հարցում: Այդ մասին նա հայտարարել է SՖddeutsche Zeitung-ին տված հարցազրույցում:
«Այդ պատերազմի պատմությունը բաց թողնված հնարավորությունների ժամանակագրություն Է և արևմտյան դաշնակիցների անգործության ապացույցը»,-հայտարարել Է նա:
Շթայնմայերը նշել Է, որ, չնայած Սիրիայի կառավարության նկատմամբ անձնական համակրանքի բացակայությանը, ինքը միշտ անհրաժեշտ Է համարել համագործակցության հնարավորություն փնտրելը նախագահ Բաշար Ասադի և Արևմուտքի միջև:
Այդուհանդերձ, նշում Է նախկին նախարարը, Վաշինգտոնը և Փարիզը խիստ քննադատությամբ պատասխանեցին իմ բոլոր նախաձեռնություններին՝ Սիրիան դարձնելով «չարիքի երևակայական առանցք»: «Եթե Արևմուտքն ավելի իրատեսորեն գնահատեր իրադրությունը և չպահանջեր Ասադի անհապաղ տապալումը, ապա հակամարտության կարգավորմանը նվիրված արդեն առաջին հանդիպումները կարող Էին առաջընթաց արձանագրել», -հավելել Է Շտայնմայերը:
Հիշեցնենք, որ Հունվարի 27-ին Գերմանիայի նախագահ Յոահիմ Գաուկը Շթայնմայերին ազատել Է արտաքին գործերի նախարարի պաշտոնից: ԱԳ նախարարության նոր ղեկավար Է դարձել սոցիալ-դեմոկրատական կուսակցության նախագահ, Էկոնոմիկայի նախկին նախարար Զիգմար Գաբրիելը: Ավելի վաղ տեղեկացվել Է, որ կառավարող կոալիցիան Շթայնմայերին առաջադրել Է Գերմանիայի նախագահի թեկնածու:
