«Առաջին լրատավական»-ի հետ զրույցում անդրադառնալով Լուռու մարզում տիրող նախընտրական վիճակին և ընդդիմության հնարավորություններին՝ «Լուսավոր Հայաստան» կուսակցության նախագահ Էդմոն Մարուքյանը նշեց, որ ՏԻՄ ընտրություններից հետո մարզում դեռևս չեն հանդարտվել հետընտրական կրքերը: Նրա խոսքով՝ «Ելք» դաշինքը մարզում ունի մեծ հնարավորություններ. «Արդեն իսկ երկրորդ տեղն ունենք ՀՀԿ-ից հետո, պետք է աշխատանք տանենք, այնքան ձայն հավաքենք, որ առաջին տեղը զբաղեցնենք մեր ձայներով: Դրա հնարավորությունը ես տեսնում եմ:
Հինգ տարվա պատգամավորական աշխատանք է կատարվել, Լոռու մարզում բոլորը գիտեն, որ մարզի ձայնը ցանկացած իրավիճակում խորհրդարանում հնչեցվել է իմ կողմից, և վերջին երկու տարիներին «Լուսավոր Հայաստան»-ի ներկայությունը կա այնտեղ, դա կարևոր գործոն է»:
Էդմոն Մարուքյանը նշեց, որ «Ելք» դաշինքի տարածքային ցուցակով կառաջադրվի Լոռու մարզում: Նրա խոսքով՝ «Ելք» դաշինքը Լոռու մարզում կներկայանա 15 հոգանոց ցուցակով:
Մարուքյանի խոսքով՝ Լոռու մարզը երբևէ ֆեոդալական մարզ չի եղել. «Այնտեղ երբևէ որևէ մեկը չի կարողացել իրեն դնել այդ մարզի տերուտիրականի տեղ և ինչ-որ ապօրինություններով փորձել մարդկանց ճնշել: Այնտեղ մարդիկ շատ լավ իրազեկված են, թե ով ինչ է արել: Մարդիկ կան, ասում են՝ թևս կտրեք, ՀՀԿ-ին ձայն չեմ տա: Բայց կարող է ՀՀԿ-ին ձայն չտա, ինչ-որ արբանյակ ուժի ձայն տա, դրա համար պետք է քարոզչական ռազմավարությունը շատ լավ կազմակերպենք»:
Մանրամասները՝ տեսանյութում:
