22-ամյա բեյսբոլիստ Քրիս Լայնը՝ Ավստրալիայից, սպանվել է Օկլահոմա Սիթիում, հայտնում է ամերիկյան մամուլը:
Լայնը վազք էր կատարում, երբ նրան նկատել են 3 դեռահասներ: Նրանք դուրս են եկել բնակարանից, մեքենա նստել, հասել մարզիկին և կրակել նրա մեջքին:
15-ամյա Ջեյմս Էդվարդսը և 16-ամյա Չենսի Լունան մեղադրվում են մարդասպանության համար: Մեղավոր ճանաչվելու դեպքում նրանց ցմահ ազատազրկում է սպառնում: Նրանց հետ մեքենայում եղած 17-ամյա Մայքլ Ջոնսը մեղադրվում է սպանությանը նպաստելու և ապացույցները թաքցնելու համար:
Դատարանը մերժել է Էդվարդսին և Լունային գրավի դիմաց ազատել: Ջոնսի համար գրավը 1 մլն դոլար է:
Ոստիկանապետ Դենի Ֆորդը հայտնել է, որ հարցաքննության ընթացքում Ջոնսը խոստովանել է, որ ընկերները ձանձրանում էին, «այդ պատճառով էլ որոշել են որևէ մեկին սպանել»: Քրիստոֆերը պատահաբար է դարձել նրանց թիրախը:
Չենսի Լունայի մայրը չի հավատում որդու մեղավորությունը, իսկ Էդվարդսին հայրն է ներկայացրել, քանի որ մայրը բանտում է:
Կասկածյալներին ձերբակալել են մեքենան կայանելիս, որը ճանաչել են տեսախցիկների միջոցով:
