Այսօր կառավարությունում լրագրողների հետ զրույցում ՀՀ փոխարտգործնախարար Շավարշ Քոչարյանը անդրադառնալով ՌԴ արտգործնախարար Սերգեյ Լավրովի՝ Ղարաբաղյան հակամարտության մասին հայտարարությանը, նշեց. «Դիրքորոշում չի փոխվել: Համանախագահների դիրքորոշումը վաղուց հայտնի է նաև այն հայտարարություններից, որոնք բազմիցս արվել են, ուղղակի Ադրբեջանը միշտ դրանցից դուրս է գործել… տվյալ պարագայում լրագրողի հարցը այնքան լկտի էր, որ պարտադրեց բացահայտել…»:
Անդրադառնալով հայ-ադրբեջանական սահմանին ադրբեջանական դիվերսիայից հետո ԵԱՀԿ Մինսկի խմբի հայտարարությանը, Շավարշ Քոչարյանն ասաց, որ ՄԽ հայտարարությունները միշտ այդպիսին են եղել. «Այդ հայտարարությունը թերի է նրանով, որ չկա հասցեագրում, ինչն էլ հնարավորություն է տալիս Բաքվին գործել ավելի սանձարձակ»:
ՀԱՊԿ գլխավոր քարտուղարի ընտրության շուրջ ստեղծված իրավիճակի վերաբերյալ Քոչարյանը նշեց. «Եթե ՀԱՊԿ գլխավոր քարտուղարի փոփոխության ռոտացիան ուժի մեջ է մտնում, ապա առաջին պետությունը Հայաստանն է: Այդ որոշումը կայացվել էր: Երևանում երբ տեղի ունեցավ ՀԱՊԿ գագաթաժողովը, չեղավ կոնսենսուս»: Նա նաև հավելեց, որ հաջորդ հանդիպման ժամանակ էլ բացակայել է Բելառուսի նախագահը: Նրա խոսքով, հաջորդ գագաթաժողովի ժամանակ այդ հարցը վերջնական լուծում կստանա. «Այդ տեղը Հայաստանինն է»:
Ադրբեջանը փակեց ԵԱՀԿ Բաքվի գրասենյակը, հիմա էլ փորձում է խոչընդոտել Հայաստանում գործող գրասենյակի գործունեությանը», – ասաց Շավարշ Քոչարյանը և հավաստիացրեց, որ հայկական կողմից կոշտ դիրքորոշում է արտահայտվում. «Այստեղ եվրոպական կառույցները, հենց ԵԱՀԿ-ն մտածելու տեղ ունեն»:
Մանրամասները՝ տեսանյութում:
