Ավստրալիայի արևելյան մերձափնյա տարածքում բեռնարկղ փոխադրողները փրկել են ճապոնացի սերֆերի, որը գիշերն անց է կացրել ծովում՝ իր տախտակից բռնված: Այս մասին հայտնում է BBC-ն:
MSC Damla բեռնատար նավի անձնակազմը լողացող սերֆերին նկատել է ափից 6 կմ հեռու և նրան նավ է բարձրացրել՝ փրկօղակ օգտագործելով:
«Պարզապես բացառիկ հաջողություն է, որ մեր թիմին հաջողվել է այդ մարդուն տեսնել սերֆինգի տախտակի վրա, որն օգնություն է կանչել»,- նշում է MSC-ի ղեկավար Քևին Քլարքը:
37-ամյա սերֆերը ոստիկանությանը պատմել է, որ ծովում իրեն հոսանքը քշել է, ինչի հետևանքով ինքը հայտնվել է Սիդնեյից 80 կմ հարավում:
Ճապոնացին 6 ժամ փորձել է ափ հասնել, մինչև ուժասպառ է եղել, նշում է տեսուչ Դարեն Վուդը: Սերֆերը ջրում 16 ժամ է անցկացրել, բայց գիշերը ջերմաստիճանը նվազել է միայն մինչև 21 աստիճան, ինչը ճապոնացուն թույլ է տվել խուսափել գերսառեցումից:
Նավը ճապոնացուն ափ է հասցրել, նրան հիվանդանոց են տարել, բայց շուտով դուրս են գրել:
