Բրիտանիայի Գերագույն դատարանը բավարարել է «մտավոր անկարող» և երեխաներ ունենալ չցանկացող տղամարդուն «իր սեփական շահերից ելնելով» ստերիլիզացնելու հայցը: Սա առաջին դեպքն է, երբ Բրիտանիայի դատարանը նման վճիռ է կայացնում, փոխանցում է Associated Press-ը:
Դատավորի կարծիքով՝ երեխայի ծնունդը 36-ամյա տղամարդուն, ում անունը չի հրապարակվում, կարող է «հոգեկան վնաս» պատճառել: Դատարանը բավարարել է տղամարդու հարազատների հայցը՝ գտնելով, որ նա, իրոք, երեխաներ ունենալ չի ցանկանում: Ընդ որում, տղամարդն ի վիճակի չէ ինքնուրույն հոգալ հակաբեղմնավորման խնդիրը: Ստերիլիզացումը պետք է կատարվի վազէկտոմիի միջոցով:
Դատական գործընթացի ժամանակ տղամարդու շահերը ներկայացնող փաստաբանը պնդել է, որ այս դեպքը հակասում է ազգաբնակչության գենոֆոնդը մաքուր պահելու ծրագրի դրույթներին: Նրա խոսքերով՝ տղամարդն ինքն է ցանկանում, որ իրեն ստերիլիզացնեն, գրում է The Guardian-ը:
Քանի որ տղամարդն ինքը ի վիճակի չէ իր սեփական ստերիլիզացման վերաբերյալ որոշում կայացնել, ապա նրա խնամակալների միջնորդությամբ, այդ հարցը լուծվում է դատարանի վճռով, գրում է BBC News-ը:
2010 թ. տղամարդու ընկերուհին նրանից երեխա է ունեցել, ընդ որում ընկերուհին նույնպես «մտավոր անկարող» է: Դրա պատճառով նրանց հարաբերությունները փչացել են, սակայն նրանք մտերիմներ են մնացել: Արդյունքում հարազատները սկսել են հետևել, որպեսզի նրանք կրկին երեխաներ չունենան:
