Ճապոնիայի իշխանությունները կդյուրացնեն Ռուսաստանի հետ վիզային ռեժիմը՝ փաստացի մեղմացնելով 2014 թվականին սահմանված պատժամիջոցները։ Այս մասին հայտնում է Asahi թերթը։ Մեղմացումների մասին կարող է հայտարարվել Ճապոնիա Վլադիմիր Պուտինի առաջիկա այցի ժամանակ։
Նշվում է, որ նման որոշումը կընդունվի Ճապոնիայի վարչապետ Սինձո Աբեի հետ ՌԴ նախագահ Վալադիմիր Պուտինի բանակցությունների ընթացքում։ Պարբերականի տվյալներով՝ փոփոխությունները կվերաբերվեն երկարաժամկետ վիզաներին, որոնց գործողության ժամկետը կարող է ընդլայնվել՝ 3 տարուց հասցվելով 5 տարվա։
Պուտինը Ճապոնիայում կգտնվի դեկտեմբերի 15-ին և 16-ին։
Ռուսաստանն ու Ճապոնիան մի քանի տասնամյակ փորձում են խաղաղ պայմանագիր կնքել, սակայն դրան խոչընդոտում է Հարավային Կուրիլների պատկանելիության խնդիրը։ Նոյեմբերի վերջին Պուտինը պատրաստակամություն էր հայտնել այդ հարցով բանակցելու Ճապոնիայի հետ։ Նա երկու երկրների միջև խաղաղ պայմանագրի բացակայությունն անվանել էր «անցյալի անախրոնիզմ»։
