ԱՄՆ պետքարտուղար Ջոն Քերին հայտարարել է, որ Հալեպի զավթումը Սիրիայի կառավարական ուժերի կողմից վերջ չի դնի երկրում պատերազմին։ Այս մասին նա հայտարարել է՝ ելույթ ունենալով Բեռլինում «Գերմանիայի առաջ ծառայությունների համար» իրեն բարձրագույն պարգևի հանձնման արարողության ժամանակ։
«Բոլորն ասում են, որ Սիրիայում ռազմական լուծում չկա, և դա այդպես է։ Նույնիսկ եթե Հալեպը «ընկնի», դա վերջ չի դնի պատերազմին։ Եվ վերջին հաշվով Ռուսաստանը, Ասադը, իրանցիներն ու այլք ստիպված կլինեն հասկանալ, որ այստեղ նաև գոյություն ունեն ֆանատիկ և այլ շարժումներ ու շահեր, որոնք անհրաժեշտ կլինի լուծել հակամարտության ավարտի համար»,-հայտարարել է ԱՄՆ պետքարտուղարը։
Քերին հավելել է, որ ԱՄՆ-ը, անշուշտ, ձգտում է Սիրիայում պատերազմի ավարտի, քանի որ գիտակցում է, որ չկա ռազմական լուծում, և որ Հալեպի ու սիրիական այլ շրջանների սոսկալի արդյունահեղության արձագանքները զգացվելու են տասնամյակներ շարունակ։
