«Սասնա ծռեր» խմբի անդամ Վարուժան Ավետիսյանի մեղադրանքը խստացվել Ավետիսյանի մեղադրանքը լրացվել է ՀՀ քրեական օրենսգրքի 238-րդ հոդվածի 4-րդ մասի 1-ին և 2-րդ կետերով (զենք, ռազմամթերք, պայթուցիկ նյութեր կամ պայթուցիկ սարքեր հափշտակելը կազմակերպված խմբի կողմից կյանքի կամ առողջության համար վտանգավոր բռնություն գործադրելով կամ դա գործադրելու սպառնալիքով:
Փաստաբան Արա Զաքարյանի խոսքով՝ իշխանությունը որոշել է «Սասնա ծռեր»-ին խստագույնս պատժել. «Որպեսզի որևիցե մեկի մոտ ցանկություն անգամ չառաջանա իր իրավունքների պաշտպանության համար իշխանության դեմ որևիցե քայլ կատարի, իր բողոքը հայտնի, առավել ևս՝ զինված պայքարի միջոցով իր իրավունքները պաշտպանի: Շատ վատ միտում եմ տեսնում: Երևի թե 37 թիվն է՝ ռեպրեսիվ միջոցներով փորձելու են մարդկանց լռեցնել»
Հիշեցնենք, որ Վարուժան Ավետիսյանին մեղադրանք էր առաջադրվել նաև ՀՀ Քրեական օրենսգրքի երեք հոդվածներով՝ 218 հոդվածի 3-րդ մասի 1-ին կետով (կազմակերպված խմբի կողմից պատանդ վերցնելը, 235 հոդվածի 3-րդ մասով՝ (կազմակերպված խմբի կողմից՝ ապօրինի կերպով զենք, ռազմամթերք, պայթուցիկ նյութեր ձեռք բերելը, իրացնելը, պահելը, փոխադրելը կամ կրելը) եւ 35-225-րդ հոդվածի 1-ին մասով (զանգվածային անկարգություններ կազմակերպելու նախապատրաստում):
Մանրամասները՝ տեսանյութում:
