ՀՀ առողջապահության նորանշանակ նախարար Լևոն Ալթունյանը լրագրողների հետ զրույցում, անդրադառնալով ծննդկանների մահվան դեպքերի վերաբերյալ հարցին, թե ինչով է դա պայմանավորված, պատասխանել է, որ դա իր գործառույթը չէ, «դրանով պետք է զբաղվեն դատարանները և մոռգը»:
«Առաջին լրատվական»- ի հետ զրույցում անդրադառնալով առողջապահության նախարարի այս արտահայտություններին, 2000- 2003թթ ՀՀ առողջապահության նախարար Արարատ Մկրտչյանը դեպքը համարեց արտառոց: «Բազմաթիվ որակումներ հնչեցին, դրանք և՛ հուզական դաշտից էին, և՛ մարդասիրական, ես նման որակումներից զերծ կլինեմ:
2001թ-ին արդեն իսկ զգացվում էր մայրական մահացության միտումներ, ինչն անհանգստացնող էր, և իմ հրամանով ստեղծվեց մշտական գործող հանձնաժողով, որի կազմում լավագույն մասնագետներ էին ընդգրկվել, և ամեն դեպք այդ հանձնաժողովի կողմից մանրամասն քննության էր առնվում և գոյություն ունեցող խնդիրները վեր էին հանվում և ի ցույց էին դրվում, այսինքն՝ դա ուներ նաև ուսուցողական բնույթ:
Ոչ մի երկիր զերծ չէ մայրական մահացության դեպքերից, ուղղակի նախարարը պետք է այդ հանձնաժողովի արդյունքները հնչեցներ կամ ընդհանրապես խոսքը տեղափոխեր հանձնաժողովի դաշտ: Խորհուրդ կտայի, որ նախարարը նման դեպքերում հիմնվեր մասնագիտական եզրակացությունների վրա և ներկայացներ հանրությանը»,- նշեց Արարատ Մկրտչյանը:
Նախկին նախարարն ընդգծեց. «Տպավորություն է, որ նոր նախարար Լևոն Ալթունյանը հիվանդանոցների գլխավոր բժիշկների դիրեկտոր է նշանակվել, նա պետք է հիշի, որ ինքը գլխավոր բժիշկների դիրեկտոր չէ, պետք է զբաղվի Հայաստանի Հանրապետության բնակչության առողջության կառավարմամբ, ոչ թե առողջապահության համակարգի կառավարմամբ»:
Մանրամասները՝ տեսանյութում:
