ԱՄՆ-ը պատրաստ չէ վերսկսել բանակցությունները Ռուսաստանի հետ սիրիական հակամարտության կարգավորման թեմայով։ Այս մասին ճեպազրույցի ժամանակ հայտարարել է Պետդեպի պաշտոնական ներկայացուցիչ Ջոն Կիրբին։
Կիրբին այդ կերպ է մեկնաբանել չինացի դիվանագետի համապատասխան առաջարկը։
«Երախտապարտ ենք գաղափարի համար, սակայն մենք արդեն բազմիցս փորձել ենք աշխատել Ռուսաստանի հետ այդ ուղղությամբ»,-ասել է նա։
Կիրբիի խոսքով՝ այդ փորձերը ոչինչի չեն հանգեցրել, քանի որ Ռուսաստանը չի կատարել իր պարտավորությունները։
Ավելի վաղ Պետդեպի պաշտոնական ներկայացուցիչ Կիրբին հայտարարել էր, որ Հալեպի խաղաղ բնակիչներն օգուտ չեն ստանում Ռուսաստանի կողմից քաղաքում սահմանված մարդասիրական դադարներից։
