12-ամյա Բալաջին հնդիկների համար դարձել է կապիկների աստված Հանումանի մարմնավորումը: Բանն այն է, որ տղան ծնված օրվանից մեջքի վրա պոչ ունի, որը ժամանակի հետ աճում է: Բազմաթիվ մարդիկ են գալիս Արշիդ Ալի Հանա տաճարը, որպեսզի երկրպագեն Բալաջիին: Մարդիկ հաճախ են տղայի օրհնության համար նրան գումար կամ նվերներ տալիս: Բալաջին դրանից շատ գոհ է. նա իր պոչը աստվածային պարգև է համարում և համամիտ չէ բժիկների հետ, ովքեր համոզված են, որ երեխայի մոտ ողնաշարային կամ գանգուղեղային ճողվածքի տեսակ է զարգանում, որի արդյունքում ապագայում նա շատ լուրջ առողջական խնդիրներ կունենա:
Բալաջին ապրում է իր տատիկի և պապիի հետ: Նա ասում է, որ մարդիկ իր անսովոր տեսքի համար իրեն հարգում և երկրպագում են: Տղան իրեն հիվանդ չի զգում, այլ, ընդհակառակն, յուրահատուկ է համարում:
