ԱՄՆ նախագահի դեմոկրատ թեկնածու Հիլարի Քլինթոնը մտադիր է հաղթանակի դեպքում պահպանել նախագահական նստավայրի տարածքում Միշել Օբամայի բանջարանոցը։ Այս մասին հայտնում է New York Times-ը։
Նա նման խոստում է տվել ԱՄՆ առաջին տիկին Միշել Օբամային Հյուսիսային Կարոլինա նահանգի Սեյլեմ քաղաքում նախընտրական հանրահավաքի ժամանակ։
Թվարկելով առաջին տիկնոջ ձեռքբերումները՝ Քլինթոնն ընդգծել է, որ նա «Սպիտակ տան այգում աճեցրել է ցնցող բանջարանոց»։
«Կարող եմ խոստանալ քեզ, Միշե՛լ, եթե հաղթեմ, հոգ կտանեմ դրա մասին»,-ասել է նախկին պետքարտուղարը։
ԱՄՆ առաջին տիկին Միշել Օբաման կոչ է արել ամերիկացի ընտրողներին քվեարկել Քլինթոնի օգտին, ում անվանել է «իմ աղջիկ»։
«Հիլարի Քլինթոնն իմ ընկերուհին է»,-հավելել է Միշել Օբաման։
Բացի այդ, առաջին տիկինն ասել է, թե ինչպիսի պետք է լինի ԱՄՆ ապագա նախագահը։
«Մենք ուզում ենք, որպեսի նախագահը լուրջ վերաբերվի իր աշխատանքին և որին կարելի կլինի վստահել միջուկային ծածկագրերը»,-ասել է Օբաման։
