«Երբ որ պատճառները հայտնի չեն, տեղին չէ ենթադրություններ անել, բայց սա որերոդ դեպքն է վթար է տեղի ունենում հենց ոչ կանոնավոր ուղևորափոխադրում իրականացնող կազմակերպությունների պարագայում: Պետական կառույցները սկսում են մտածել և խոսել այս երևույթների մասին բացառապես այն ժամանակ, երբ մարդու կյանքին վտանգ է սպառնացել և դեպքը արդեն տեղի է ունեցել»: Այս մասին Մոսկվա-Երևան ավտոբուսի վթարի շուրջ «Առաջին լրատվական»-ի հետ զրույցում ասաց «Իրազեկ» և պաշտպանված սպառող ՀԿ նախագահ Բաբկեն Պիպոյանը:
«Կանոնավոր ուղևորափոխադրումների պարագայում կան հստակ չվացուցակներ և հստակ ուղղություններ: Ոչ կանոնավոր ուղևորափոխադրումները ի սկզբանե նախատեսված են եղել ոչ թե անհատների, այլ խմբերի համար: Բայց փաստացի այդպես չէ: Սա պրոցես է, որի նկատմամբ պետությունը վերահսկողություն պետք է սահմանի, բայց այդպես չի արվում:
Մենք ունենք համակարգային, ինստիտուցիոնալ լուրջ պրոբլեմներ, որոնք հանգեցնում են դժբախտ դեպքերի: Անհրաժեշտ է խստագույն վերահսկողություն»,- նշեց Պիպոյանը:
Մանրամասները՝ տեսանյութում:
