Ազատության հրապարակի հարթակից «Ժառանգություն» կուսակցության անդամ Հովսեփ Խուրշուդյանը, ով օրերս է կալանքից ազատ արձակվել, իր ելույթի սկզբում ազատություն մաղթեց բոլոր քաղբանտարկյալներին:
Հ. Խուրշուդյանը հիշեցրեց, որ վերջին անգամ Ազատության հրապարակում ելույթ է ունեցել հունվարի մեկին. «Երբ համերգն էինք փորձում իրականացնել… Գևորգ Սաֆարյանին ձերբակալեցին այդ օրը, նա մինչև հիմա այդ գործով ազատությունից զրկված է: Ես հիշում եմ այդ օրերը, երբ դեռ հույս կար, որ հնարավոր է քաղաքական գործընթացներով ազդել, ինչ-որ փոփոխություններ անել»:
Ըստ Խուրշուդյանի, պետք չէ մտահոգվել այն պատճառով, որ Ազատության հրապարակը մարդաշատ չէ. «Դա չպետք է մեզ հուսահատեցնի, կարևորն այն է, որ այստեղ մշտապես, թեկուզ շաբաթը մեկ անգամ հավաքվում է ժողովուրդը և թելադրում քաղաքական օրակարգ: Քանի դեռ էստեղ հավաքվում եք, տարատեսակ քաղաքական ուժեր մնալու են այն ծակերում, որտեղ մտել են, կամ պսեվդո ընդդիմադիրներ, որոնք համարձակվում են քննադատել այս շարժումը և այս շարժման առաջնորդներին, երբ այդ առաջնորդներից շատերը կալանավայրում էին, իրենք շարունակելու են մնալ լուսանցքում: Եվ ամենակարևորը՝ իշխանությունները հաշվի են նստելու այս շարժման հետ»:
Մանրամասները՝ տեսանյութում: