Բոլոր Android-սարքերի ավելի քան 80 տոկոսը հայտնվել են կիբեռհարձակման սպառնալիքի տակ՝ հայտնում է The Next Web-ը։
Սխալը, որը հայտնաբերվել է 2012 թվականին թողարկված 3.6 Linux OS տարբերակում, թույլ է տալիս ցանցահեններին անջատել օգտատերերին սերվերներից և խոչընդոտել հավելվածների աշխատանքին։ Այն կարող է նաև կիրառվել չծածկագրված թրաֆիքին հետևելու և վնասող ծրագրային ապահովում ներդնելու համար։ Բացի դրանից՝ չարագործները կարող են առանց խոչընդոտի լսել հեռախոսազրույցներն ու որսալ օգտատերերի անձնական հաղորդագրությունները։
Խոցելիությունը, որին ուշադրություն են դարձրել Lookout ընկերությունոմ, նույնպես առկա է Android KitKat 4.4-ում և ավելի վաղ տարբերակներում։ Դա նշանակում է, որ 1.4 մլրդ Android-ով սարքեր կարող են ենթարկվել հարձակման։
Google-ում հայտնել են, որ ընկերության ինժեներներն արդեն իրազեկվել են անվտանգության համակարգում խոցելիության մասին և անհրաժեշտ միջոցառումներ են ձեռնարկում։
