ԱՄՆ նախագահ Բարաք Օբաման պատրաստվում է թարմացնել իր ավտոմեքենան: Այնպես չէ, որ նրա զրահապատ Cadillac-ը վատ տեսք ունի, բայց այն 2009 թվականի է, և ներքին գործերի նախարարության կարծիքով չափից ավելի է օգտագործվել ու փոխելու ժամանակն է:
Նոր մշակումը, որը կփոխարինի Cadillac-ին, իրենից ներկայացնում է ներկայացուցչական ավտոմեքենայի ու բեռնատարի համադրություն: Այն այնքան զրահապատ է, որ քաշը 7.5 տոննա է, հաղորդում է BBC News-ը:
Նախատեսվում է, որ ավտոմեքենայի պատերի մեջ ներկառուցված կլինեն ութ դյույմանոց հատուկ շերտեր, որոնք հարկ եղած դեպքում ուղևորներին կպաշտպանեն ինքնաշեն պայթուցիկ սարքավորումից: Այն նաև հագեցած է հինգ դյույմանոց, բազմաշերտ պատուհաններով, որոնք ավտոմեքենայի պատերը նույնքան ծանր են դարձնում, որքան Բոինգ-757-ինն է: Բացի այդ, ավտոմեքենան պետք է պաշտպանված լինի բիոքիմիական հարձակումներից և հագեցած լինի լեգենդար Ջեյմս Բոնդին արժանի համակարգերով:
Բոլոր գործակալները հատուկ դասընթացներ են անցել այդ հսկային վարել սովորելու համար և հաշված վայրկյանների ընթացքում կարող են ավտոմեքենան պտտել 180 աստիճանով՝ տհաճություններից խուսափելու համար: Ներկա դրությամբ ավտոմեքենան արտադրող ընկերության անունը գաղտնի է պահվում:
