«Իհարկե կատարվել է ցավալի բան, դա միանշանակ է, երկրորդ կարծիք լինել չի կարող: Բոլորս՝ աշակերտից մինչև աշխատող պետք է ջանք գործադրենք, որպեսզի առանց արյունի այս իրավիճակը հանգուցալուծվի»,-«Առաջին լրատվական»-ի հետ զրույցում ասաց ԱԺ ԲՀԿ խմբակցության պատգամավոր Միքայել Մելքումյանը՝ անդրադառնալով այս օրերի իրադարձություններին:
Վերջինիս խոսքով հայ ազգին բնորոշ չէ ներքին պայքարի այս ձևը, բայց երբ առկա խնդիրները կուտակվում են, մարդիկ սկսում են ելքեր փնտրել: «Սա մեկ էպիզոդի կամ մեկ դրվագի հետևանք չէր: Երկրում կան բազմաթիվ խնդիրներ, դժգոհություններ՝ սոցիալական, տնտեսական: Արդարության պակաս կա, աղքատության մակարդակն աճել է, արտագաղթի չափերը գնալով մեծանում են: Այս իրավիճակում մարդկանց մոտ հարց է առաջանում, թե որն է ելքը: Բնականաբար հայրենասեր մարդկանց մոտ դա մի քիչ ավելի սուր է արտահայտված»,-հավելեց Մելքումյանը:
Ինչ վերաբերում է ստեղծված վիճակի հանգուցալուծմանը, ապա պատգամավորի խոսքով լուծումը միայն խաղաղ ճանապարհով պետք է լինի, առանց արյունի: «Փառք Աստծո, որ բոլոր պատանդներն ազատ են արձակվել, մնում է հաջորդիվ ամեն ինչ խաղաղ ավարտ ունենա»,-ասաց Մելքումյանը:
Առավել մանրամասն՝ տեսանյութում