Դեռ ամիսներ առաջ սահմանադրական փոփոխությունների դեմ պայքարող «Չեք անցկացնի» նախաձեռնությունը վերածվեց ժողովրդավարության ազգային պլատֆորմի, որի նպատական էր նոր Ընտրական օրենսգրքի շուրջ պայքարելը: Այսօր ներկայացված 5 պահանջներից 4-ի շուրջ իշխանության զիջումները պլատֆորմի ներկայացուցիչ Դավիթ Հովհաննիսյանը հաջողություն է համարում։ Ընդգծում է, որ սա 2015 թվականի հանրաքվեի արդյունքն էր նաև։
Հովհաննիսյանը նշում է՝ իշխանության և ընդդիմության միջև ձեռք բերված համաձայնությունը վերաբերում է բացառապես տեխնիկական կարգավորումներին, մյուս բոլոր հարցերում քննարկումները կշարունակվեն։ Ձեռք բերված համաձանությունն անհրաժեշտ էր, որեպեսզի միջազգային դոնորները անհրաժեշտ ֆինանսավորոմը հատկացնեն, և ըստ նրա՝ միայն դա բավարար կլինի, որպեսզի անհրաժեշտ ֆինանսավորումը լինի:
Բերված հիմնավորումներն էլ, ըստ Հովհաննիսյանի՝ ծիծաղելի և անհիմն են՝ իբրև թե բյուջեում փող չկա, մինչդեռ, ըստ Հովհաննիսյանի, բյուջեից անհիմն ծախսեր են կատարվում, օրինակ, ոստիկանության համար հատկացված ֆինանսավորումը։
4+4+4 քննարկումներին մասնակցած «Համագործակցություն հանուն ժողովրդավարության» հասրակական կազմակերպության ղեկավար Ստեփան Դանիելյանը մեզ հետ զրույցում նշեց՝ իրենց հետ հանդիպումների ըթնացքում Եվրամիության և Միացյալ Նահագների դեսպանները նշել են, որ կարևոր է, որպեսզի քաղհասարակությունը դրական արձագանքի ընտրական մեխանիզմների մասով։
Ստեփան Դանիելյանը նշում է, որ սկսած Հայաստանի Հանրապետության ստեղծման օրվանից՝ սա վատագույն օրենսգիրքն է, մեխանիզմները, սակայն, կարևոր են և կօգնեն ընտրությունները քիչ թե շատ օրինական և արդար անցկացնելու համար։
