1918 թվականի Մայիսյան հերոսամարտերի, Ղարաքիլիսայում, Բաշ Ապարանում, Սարդարապատում թուրք հրոսակների դեմ հայկական կանոնավոր ուժերի և կամավորականների հաղթանակների շնորհիվ Հայոց ազգային խորհուրդը հռչակեց Հայաստանի սպասված անկախությունը:
Առաջին հնարապետության հիմնադիրը ազգային նվիրյալ, համազգային գործիչ Արամ Մանուկյանն էր: Նրա շնորհիվ ձեռք բերված առաջին հանրապետությունը կարճ կյանք, բայց անգնահատելի դեր ունեցավ հայոց պետականությունը վերականգնելու գործում:
Առաջին հանրապետության հռչակումից մեկ դար է անցել, բայց Երևանում, այն տանը որտեղ 1917-19-ը թվականներին ապրել է Արամ Մանուկյանը, ծառեր են աճում:
Քաղաքի կենտրոնում, Արամի 9 հասցեում գտնվող այս անմխիթար շենքի վահանակը հուշում է՝այստեղ ապրել է Արամ Մանուկյանը:
Թե ինչու է այս շենքը շարունակում ինքնաքանդվել և ինչու են ներսում ծառեր աճում, փորձել է պարզել Երևանի ավագանու «Բարև Երևան» խմբակցության անդամ Անահիտ Բախշյանը:
Նրա խոսքով՝ շենքը դեռ կա, թեկուզ կիսավեր վիճակում և դեռ չի փոխարինվել բարձրահարկ շենքով, սրճարանով կամ հյուրանոցով` մի պատճառով, հասարակության արձագանքից են վախենում:
Մանրամասները՝ տեսանյութում:
