Ներողություն եմ խնդրում, եթե դարձել եմ գեթ մեկ արտագաղթող մարդու պատճառ․ Րաֆֆի Հովհաննիսյան

Ինչպես ավելի վաղ տեղեկացրել էինք «Ժառանգություն» կուսակցությունն այսօր Գրողների միության մեծ դահլիճում բաց հանդիպում ուենցավ իր համակիրների հետ:

Կուսակցության առաջնորդ, նախագահի նախկին թեկնածու Րաֆֆի Հովհաննիսյանը խոսելով արտագաղթի ահագնացող տեմպերի մասին` ասաց, որ արտագաղթն արդեն շաբլոնային բառ է դարձել, բայց նա, ով կանգնում է սահմանի վրա, արդեն գիտի, որ դա իսկական աղետ է:

Հովհաննիսյանը ներողություն է հայցում, եթե ինքը կամ իր գործողությունները դարձել են գոնե մեկ արտագաղթող մարդու համար պատճառ․ «Ես համարում եմ, որ մեր նախագահությունը ոչ թե կեղծընտիր է, այլ անընտիր է, բայց եթե նա իշխանություն է, մեղադրել ՀԱԿ-ին, «Նախախորհրդարանին», «Ժառանգությանը», Դաշնակցությանը դրա մեջ` սխալ է։ Եթե ես ձեզ հիասթափեցրել եմ՝ արյուն չբերելով կամ ստվերային կառավարություն չառաջարկելով, եթե ես մի հոգու արտագաղթի պատճառ եմ դարձել, ներողություն եմ խնդրում: Պատրաստ եմ բարձրանալ արտագաղթող մարդկանց ավտոբուսները և խնդրել, որ հետ իջնեն»:

Հովհաննիսյանը հավելեց, որ մեր երկրում այսօր ձևավորվել են շատ կարևոր ընդվզման օջախներ, որոնք արտացոլանքն են այսօրվա Հայաստանի։ «Ազատամարտիկների խնդիրը, ովքեր արժանապատիվ իրենց տեղն ունենալու պահանջ են ներկայացնում, զինվորների խոցելիությունը սահմանի վրա, ինչպես նաև մեր զորամասերում։ Արմավիրում կարկուտ է տեղացել, և իշխանությունը պետք է չսպասի, որ այս կամ այն բարերար լուծի գյուղացիների խնդիրները։ Պռոշյանի խնդիրը, կրակոցներ, բնապահպանությունը իր հերթին, Փակ շուկան, օդաչուներ, «Նաիրիտի» աշխատողներ, փաստաբաններ, որոնք դեմ են դատարանների անօրինականություններին»,- ասաց նա:

Լուսանկարը` PanARMENIAN Photo-ի