Մենք արդեն տեղեկացրել էինք, որ երեկ իշխող «Եդինայա Ռոսիա» կուսակցության տարածաշրջանային հավաքներից մեկի ժամանակ վարչապետ Վլադիմիր Պուտինը հայտարարել էր, որ ստեղծվում է Համառուսաստանյան ժողովրդական ճակատ, որում կընդգրկվեն ոչ կուսակցական ակտիվ քաղաքացիներ` մասնակցելու առաջիկա խորհրդարանական ընտրություններին: Այդ միավորումը նախատեսվում է ստեղծել իշխող կուսակցության հենքի վրա:
Հավաքի ժամանակ վարչապետ Պուտինին հարց է ուղղել երգչուհի նադեժդա Բաբկինան, որը հարցն սկսել է «Եդինայա Ռոսիայի» նկատմամբ իր սերն արտահայտելով. ««Եդինայա Ռոսիա» բառերն ինձ գրգռում են», ասել է Բաբկինան հավաքվածների ծափահարությունների ներքո: Իսկ մեկնաբանելով Պուտինի ելույթը` երգչուհին հայտնեց, որ ուրախությունից թռչկոտում էր: Այնուհետև Բաբկինան անցել է «բուն գործին» և գումար խնդրել իր կողմից ղեկավարվող փառատոնի համար: Այսքանից հետո երկրի վարչապետը չի կարողացել մերժել Նադեժդա Բաբկինային: