Գերմանիայի կառավարությունն անհանգստացած է Լեռնային Ղարաբաղի շուրջ ստեղծված իրավիճակով, այդ երկրի ԱԳՆ ղեկավար Ֆրանկ-Վալտեր Շտայնմայերը մտադիր է մինչև օրվա վերջ հակամարտության գոտում իրավիճակը քննարկել ՌԴ ԱԳՆ ղեկավար Սերգեյ Լավրովի հետ: TASS-ի հաղորդմամբ՝ այս մասին մամլո ասուլիսի ժամանակ հայտնել է Գերմանիայի արտաքին քաղաքական գերատեսչության ներկայացուցիչ Մարտին Շեֆերը:
Նա հիշեցրել է, որ ավելի վաղ Շտայնմայերը կողմերին կոչ է արել հնարավորինս շուտ դադարեցնել ռազմական գործողությունները:
«Նախարարը ծրագրում է օրվա երկրորդ կեսին հեռախոսազրույց ունենալ ռուս գործընկերոջ հետ»,- ասել է Շեֆերը՝ նշելով, որ Ռուսաստանի նախագահ Վլադիմիր Պուտինը և ՌԴ ԱԳՆ-ը «արդեն միացել են հակամարտության կարգավորմանն ուղղված ջանքերին»:
