Ռուսաստանը զորքերը Սիրիայից դուրս բերելով՝ կարողացավ ռազմական գործողությունները փոխարինել դիվանագիտական և քաղաքական հարթության։ Նման տեսակետ «Մեդիկա» կենտրոնում հրավիրված քննարկման ընթացքում հայտնեց դիվանագետ, արտաքին գործերի նախկին փոխնախարար Արման Նավասարդյանը։
Միանշանակ չէ, որ Ռուսաստանը հեռացել է Սիրիայից, «գնացել են, բայց չեն գնացել», այսպես է մեկնաբանում Արման Նավասարդյանը՝ չբացառելով, որ Ռուսաստանը կրկին կարող է զորք մտցնել Սիրիա։
Միջազգայնագետ Աղասի Ենոքյանը մինչդեռ կարծում է՝ այն խնդիրները, որ Ռուսաստանն իր առաջ դրել էր, չհաջողվեց, նա չդարձավ գլոբալ խաղացող։ Ասադի համար Ռուսաստանը ևս չլուծեց տեղական ստրատեգիական խնդիրներ, պարզ է, որ այս իրավիճակում Ասադը հազիվ թե մնա իշխանության, ասում է Ենոքյանը:
Արաբագետ Հայկ Քոչարյանն «Առաջին լրատվականի» հետ զրույցում նշում է՝ ռուսական զորքերի դուրսբերումն իհարկե ստեղծում է նոր իրավիճակ, բայց այն միտված չէ սիրիական հակամարտության կարգավորմանը, հակառակը՝ այն դառնում է ավելի երկարատև։
