Նիկոլ Փաշինյանը նամակով դիմել է ՀԱԿ խմբակցությանը` խնդրելով Հրազդանի քաղաքապետի ընտրություններում ՀԱԿ վստահված անձանց տեղերը «Քաղաքացիական պայմանագիր» կուսակցությանը տրամադրել:
Լրագրողների հետ զույցում հարցին՝ ՀԱԿ-ը կզիջի՞ տեղերը, Նիկոլ Փաշինյանը պատասխանեց. «Այդ տեղերը ՀԱԿ-ին չեն պատկանում, որ նրանք էլ զիջեն: Զիջել կարող է, ասենք, «Ժառանգություն» կուսակցությունը, որ ժեստ անի և զիջի, բայց Հայ ազգային կոնգրես կուսակցության դեպքում զիջման խնդիր չկա: Սասուն Միքայելյանը ՀԱԿ խմբակցության ցուցակի 13-րդ հորիզոնականում է: Նրա դերն անուրանալի է Հայ ազգային կոնգրես խմբակցության ձևավորման գործում: Դրանք փաստեր են, որոնք վիճարկման եթակա չեն»,- ընդգծեց Նիկոլ Փաշինյանը:
Լրագրողի դիտարկմանը, ըստ որի, Փաշինյանի, ՀԱԿ-ի, Սասուն Միքայելյանի հարաբերությունները փոխվել են, ընթացքում շատ ջրեր են հոսել, Ն. Փաշինյանը արձագանքեց. «Օրենսդրությունը չի հոսել: Մենք առաջիկայում այդ օրենսդրության հոսքն էլ կտեսնենք: Օրենսդրությունը չի փոխվել: Ես չեմ խոսում հարաբերությունների մասին, ես խոսում եմ օրենսդրությունից բխող դիրքորոշումների մասին»:
Մանրամասները՝ տեսանյութում:
