Ավստրալիայում յուրաքանչյուր չորրորդ երեխա չգիտի, որ կարագը պատրաստում են կովի կաթից, իսկ յուրաքանչյուր հինգերորդը չգիտի, որ մրգերն աճում են ծառերի վրա: Այս մասին գրում է Daily Mail-ը՝ հղում անելով նոր հետազոտությանը: Փորձագետները նաև պարզել են, որ ավստրալացի երեխաների 40%-ը չգիտի՝ ինչպես ձու եփել:
Պարզվել է նաև, որ այդ երկրի երեխաների մեկ քառորդը պարբերաբար ներկա չի լինում ընտանեկան ընթրիքներին:
Մասնագետներն ուսումնասիրել են 1000 երեխայի, նրանցից երկու երրորդը նախընտրում է ոչ թե թարմ մթերքներ, այլ վերամշակված:
Փորձագետները հիշեցնում են, որ Ավստրալիայում յուրաքանչյուր չորրորդ երեխա տառապում է ավելորդ քաշով կամ ճարպակալմամբ, ուստի պետք է երեխաներին սովորեցնել ակտիվ լինել և ճիշտ սնվել:
