Կարեն Դեմիրճյանի անվան մարզահամերգային համալիրում այսօր անցկացվող «Հայկական վերածնունդ միավորում» կուսակցության հիմնադիր համագումարին ՕԵԿ նախագահ Արթուր Բաղդասարյանը իր ելույթում անդրադարձավ այն խոսակցություններին, թե ՕԵԿ-ը վերանվանվում է, որպեսզի վերականգնի հեղինակությունը. «Ասում էին՝ ՕԵԿ-ը հեղինակազրկված է, գնում է անվանփոփոխության, և Արթուր Բաղդասարյանին միանում են չեղած մարդիկ ուկուսակցություններ: Եթե ՕԵԿ-ը հեղինակազրկված է, ինչպե՞ս է արդեն 20 տարի Ազգայինժողովում: Սա է հեղինակության իրական գնահատականը: Հիմա անվան մասին. ես սիրում եմ«Օրինաց երկիր» անվանումը, սակայն մենք միահամուռ որոշեցինք միավորվել և ստեղծել նորուժ, նոր միավորում: Այնպես չէ, որ այդ որոշումը ինձ հեշտ է տրվել, սակայն մենք ստեղծումենք նոր ուժ, համախմբվում ենք նոր գաղափարի շուրջ: Ինչ վերաբերում է չեղած կուսակցությունների եւ մարդկանց մասին տեղեկություններին, ապա ասեմ՝ մեզ միացել է 40-50 հազար մարդ, մեզ միացած ցանկացած կուսակցությունում կա 2-3 հազար մարդ»,- ասաց ՕԵԿ առաջնորդը:
Անդրադառնալով ՕԵԿ անվանափոխության մասին լուրերին՝ Արթուր Բաղդասարյանը հայտարարեց, որ ինքը սիրում է ՕԵԿ-ը, որին տարիներ շարունակ մեծացրել են՝ որպես իրենց զավակ. «Ոմանց թվում էր, թե հեշտ է հրաժարվել այդ անունից, սակայն չարաչար սխալվում են: Ես շնորհակալ եմ բոլոր այն կուսակցություններին ու կազմակերպություններին, որ քաղաքացիական արիություն ունեցան ու միաձուլվեցին: Հեշտ չէր նրանց համար այդ որոշումը կայացնել, սակայն չձերբազատվելով մեր ամբիցիաներից, մենք պոռթկում անելու քաջություն չենք ունենա»:
Լուսանկարը` PAN Photo-ի
